L'aubèrja un jorn de fièira
Marie-Rose MIQUEL
AUBERGE
CUISINE
DOMESTICITÉ
FOIRES - MARCHÉS
--- En 1996 ---
Introduction
L’activité commerciale des foires et les échanges de toutes sortes se traduisaient par l’existence de nombreuses aubèrjas, remesas, abitarèlas et autres relais.
En Carladez, l'adverbe de lieu ici ne se dit pas aquí mais atí.
« D'abans, fasián las fièiras, fasián restaurant.
Aquò començava de bona ora, a cinc oras del matin les merchands arribavan. Atí, aquò èra de cassa-crostas, de sopa al fromatge, de còstas, de tripas.
A dètz oras tornavan començar d'abans de desplaçar las bèstias.Atí manjavan, aquò èra de pot-au-feu de buòu ambe de cocons, la prima aquò èra de rostit de vedèl, a la darrèiriá aquò èra de piòt e lo fromatge totjorn, e de litres de vin. Aquò durava jusca miègjorn o una ora mème e aprèssa dançavan.
De còps, bevián un pèu tròp. Sustot quand aquò èra la fièira del 20 de novembre. Les boièrs, les vaquièrs, les pastres, les veilets tocavan lo salari dos còps per an : a Totsants e a la fin de març, alèra atí fasián un pèu la fèsta. »
