La mina de Cruèjols

« Ieu aviái cinc ans quand venguère [a Pèiraficha]. Los parents avián afermat un ostal amont sus la plaça, a costat de la meria. Mon pèra èra minur a Cruèjols. I anava en bicicleta. I aviá ben dètz o onze quilòmèstres. Son de minas de carbon mès aquò ven de barrar, i a un an, sai que, un an e mièg qu'an arrestat.
Mon fraire i trabalhava, lo que sonava las campanas, menava lo treuild'en nalt per davalar lo personèl en bas. Lo potz fasiá cent, cent dètz mèstres ieu crese…
Aquò èra d'un patron, Verdelhas. Aquò èra Burguièira e pièi lo gendre prenguèt la succession, aquò sesquèt Verdelhas. An d'usinas de totes los costats.
Aquò èra ancien. Mon pèra i a presa sa retreta. Tota sa vida sesquèt minur. E lo papeta atanben. Aquò remònta de luènh ! Pendent la guèrra, èran dins los 60, 65 personas. I aviá pas que de Franceses e qualques Poloneses. »