La fièbre de 1952
CHASSALY Cyprien et FALQ Benoît
BOVINS
SANTÉ
Introduction
La fièvre aphteuse survenue en 1952 fit d'énormes dégâts dans les vacadas.
« En 52 i agèt la fièbre aftusa. Li'n laissèrem trenta, nautres. Venián totas negras, lo cuèr cambiava.
A Vialard, li'n petèt la mitat, aquí a Moncan, e las clausiá ben.
En 52, Vialard veniá de far un torn amont ches el a Lasbinals e passèt al Puèg de las Ègas.
Li di(gu)ère : “Venètz biure un còp.”
Me di(gu)èt :
“Di(g)a, ause pas de te demandar, avètz la fièbre aftusa, vautres aicís ?
– Non, pel moment, l'avèm pas.”
Aquò èra sai que lo 4 o lo 5 de junh.
Me di(gu)èt :
“L'auretz lèu e te sovendràs que l'avèm avuda al mes de junh, ambe la fòrça del lach.”
L'agèrem lo 6 de junh. Dos còps.
Lo de Puèg-Andriu montèt de vacas a La Pala e, l'auton, ne davalèt una.
L'agèrem tornar a la fin de julhet.
Lo segond còp sia(gu)èt pas tan missanta, las vacas i s'èran fachas.
Èra pas pus a la fòrça del lach. »
