Las annadas 1930

« Sustot las annadas 30 que, sabètz, las annadas 30 aquò èra quicòm…
En 31 aviam vendut de vedèls mascles d'un an. Un aviá avut un an lo mes de janvièr e, l'altre, caliá anar al mes de mai. Ne fasiam 3100 del parelh.
En 34, crompèrem un parelh de buòus que sabián trabalhar. Los paguèrem 2800. E los avián noirits tres ans e la qualitat se podiá comparar.
Una borreta, una doblona prèsta a vedelar, vendiatz aquò entre 600 e 800 francs.
Un vedèl gras de 115 o 120 quilòs, en 33…
Ma sòrre se maridava e ma maire disiá :
“Vam tuar aquel vedèl e farem lo repais amb aquò.”
Mès lo bochiá li di(gu)èt :
“Quand mème avètz tòrt per çò que auretz pas que jamai que de vedèl, se ieu vos prene lo vedèl, auretz un pauc de tot.”
400 francs, un vedèl de 115 o 120 quilòs, 4 francs lo quilò.
Caliá 200 francs per crompar 100 quilòs de farina.
Aquò reprenguèt en 36 pièi quand lo Front Populari arribèt mès aquò anèt pas gaire melhor, que i agèt la guèrra. Aquò fa que… »