París

« Las tres ainadas, sèm nascudas a París, la quatrièma es nascuda a Pradas e l'enfant, lo cinquième, es nascut a Pradas atanbens.
Pendent la guèrra, venguèrem aicí.
Los parents se maridèron en 35 e montèron a París. Fasián gerents dins un bonhat.
A la declaracion de guèrra, el sesquèt mobilizat e naltras, las tres ainadas, davalèrem a Pradas ambe la mamà.
Èran païsans, avián lo(g)at una bòria aicí pendent tres ans, de mai 40 a mai 43, e après parti(gu)èrem a Bèlveset.
En 44, lo papà montèt a París, que sesquèt desmobilizat coma èrem cinc enfants, e trabalhèt coma garçon, pièi cerquèt un afaire e crompèt un cafè. A-n-aquel moment, en 45, montèrem, la mamà e los cinc enfants.
Lo miu papà mori(gu)èt en 62 e la miá mamà lo vendèt en 68. Ieu tornère en 75.
Lo papà jo(g)ava de l'armonica e lo fraire atanbens.
Èra president de las quilhas, del club de Belleville, e lo diminge a seras jo(g)ava de l'acordeon o de l'armonica e dançavan a l'ostal. A un terrenh que pòrta son nom. S'apelava Planhard mès l'apelavan Milon de Joante.
S'ocupava de l'amicala atanbens.
N'i a que venián a París, quand cercavan una plaça, venián a l'ostal. Se lo papà sabiá qualqu'un que n'aviá besonh e ben…
Lo dimenge, al cafè, aviam bravament de monde del país, sustot ambe las quilhas n'aviam totjorn. Parlàvem patoès, los altres clients disián qu'èrem pas en França aicí…
N'i aviá un que jo(g)ava a las quilhas, aviá totjorn l'acordeon, Denis Guibèrt. Es a Arviu, ara. »