Las fièiras
Louis BLANC
BOVINS
FOIRES - MARCHÉS
MÉTIERS
--- En 1988 ---
Introduction
Sur les cantons montanhòls, les foires aux bestiaux étaient particulièrement nombreuses et importantes (Laguiòla, Lacalm, Las Beçadas, L'Abitarèla, Aubrac, Sant-Chèli…). Le marché de Laissac était aussi déjà renommé.
M. Blanc exerça le métier de marchand de bestiaux et de boucher à Saint-Geniez.
« Anàvem pertot, dins tot l'Avairon, lo Cantal, la Lausèra, mès sustot la Lausèra.
Èra d'aubracs, la salèrs èra dins lo Cantal. Aicí i aviá d'aubracs, qualquas suissas e qualquas pie noir qu'aquò val pas res. De suissas, ieu n'ai totjorn vistas. I aviá pas de charolesas, aquò venguèt après. Ara se meton un pauc a la limosina mès es embestient parce qu'es sauvatja.
Ieu las sangnave e las anave portar a Marselha, a Montpelhièr ambe lo camion. La carn teniá mai que uèi.
Comencère en 25.
Dins nòstre país, i aviá mai que mai de fièiras e cada fièira trobàvetz un colhon ! A la fièira òm se carrava mai que non pas dins los estables.
Per anar a la fièira de La(gu)iòla, te caliá levar a tres oras del matin, doas oras. Te caliá arribar a La(gu)iòla au mens a quatre e mièja o cinc oras. A Lacalm, mèma causa. A Lasbinals, mèma causa. A-z-Aumont, mèma causa. Pertot. Ieu, a Laissac, ai avut crompat e soi estat partit a sèt oras del matin, cargat. A La(gu)iòla, quand arribavas a quatre oras del matin, de còps èra tròp tard… »
