Aval lo long de la ribièira
Jacques COMBES
BOVINS
DOMESTICITÉ
OVINS
Chant
--- En 1981 ---
Introduction
Enregistré le 27 juin 1981 à Paulinet de Connac (81) par Alain Roussel et Yves Couderc de l'Institut d'estudis occitans Sud-Avairon de Saint-Affrique.
Publié en 1982 dans Cançons tradicionalas en occitan (1) de la collection Cèrcapaïs.
Les enregistrements originaux sont conservés au CORDAE La Talvera à Cordes (81).
---
« Encara una cançon d’amor trufaira mès que fa veire una certana violéncia de l’òme. Es atestada 2 o 3 còps dins lo ròdol d’Alban.
Lo “e-e-ò-ò” que Françon [Jacques Combes] fa tot sol, pròva se n’èra de besonh que lo monde cantavan pas totes sols, i aviá almens lo cantaire e un grope per far las represas.
Ensacat lo 27 de junh de 1981. » (I.E.O. Sud-Avairon)
« Aval lo long de la ribièira,
N’i en a una tan bèla pastora,
Polida coma lo solelh, e-e-ò-ò,
Brilhava coma los calelhs.
Tan polida ieu la trobèri,
Qu’al pè d’ela me n’assetèri,
En ie en diguent : “Bèla bonjorn !, e-e-ò-ò,
Bèla vos caldriá pas un pastor ?
– De pastor non ne chauti gaire,
Car de tropèl ne gardi gaire,
E tot pastor que val quicòm, e-e-ò-ò,
N’es pas a logar per Sant-Joan.
E tot pastor qu’a bona mina,
Porta pas una carabina,
E lo qu’es un bon pastorèl, e-e-ò-ò,
Porta pas de plumas al capèl.”
La pastora fina, rusada,
Diguèt que sa mèra la sonava,
“Mès tornaretz deman matin, e-e-ò-ò,
A la mèma ora serai aicí.”
Mès lo pastor manquèt pas l’ora,
Que n’i aviá dicha la pastora,
Quand lo pastor soguèt al prat, e-e-ò-ò,
La pastora n’agèt anat.
“Vai, vai, coquina de pastora,
Se jamai te’n trobavi sola,
Al pè de tu m’assetariái, e-e-ò-ò,
Un bon soflet ieu te’n fotriái.
E se jamai ieu lai tornavi,
Al país d’ont las careçavi,
Quand pèra e mèra ie serián, e-e-ò-ò,
La drollòta careçariái.” »
© Institut d'estudis occitans Sud-Avairon
