La sauvatgina

« I aviá de sauvatgina : de rainalds, de rabasses, de foinas, de joanetas, de mostèlas, de pudisses...
Escorgavan aquò e anavan vendre la pèl per la fièira de Milhau, lo Mècres de las Cendres.
Un vailet, se trapava doas foinas, anava vendre las pèls e ganhava tant coma d’anar trabalhar tot l’ivèrn.
Un còp ieu, ambe la pèl d’un rainald, me paguère un fusilh.
A l’epòca, aquò se trapava ambe de fèrres.
Per far venir las foinas, amassavan los prunèls o los gratacuols e ne fasián de molons.
I aviá de loiras atanben. »