La rata plorava…

« La rata plorava.
La pòrta se durbi(gu)èt e li di(gu)èt :
“Per de qué ploras, rata ?
– Lo rat es crebat e ieu plori.
– E ben ieu fau barra-barra-tanca !”
La sirventa passèt, li di(gu)èt :
“Per de qué fas barra-barra-tanca, pòrta ?
– Per tant que lo rat es crebat, la rata plora e ieu fau barra-barra-tanca !
– E ben ieu còpi lo botelh !”
La font passèt e li di(gu)èt :
“Per de qué as copat lo botelh ?
– Ai copat lo botelh per tant que lo rat es crebat, la rata plora, la pòrta fa barra-barra-tanca e ieu ai copat lo botelh !
– E ben ieu tarissi !”
Lo buòu venguèt :
“Per de qué as tarit ?
– Per de qué ai tarit ? Per çò que lo rat es crebat, la rata plora, la pòrta fa barra-barra-tanca, la sirventa a copat lo botelh e ieu tarissi !
– E ben ieu me de(s)bani !”
Lo prat li di(gu)èt :
“Per de qué te de(s)banas ?
– Lo rat es crebat, la rata plora, la pòrta fa barra-barra-tanca, la sirventa a copat lo botelh, la font a tarit e ieu me soi de(s)banat !
– E ben ieu sequi !”
Lo fraisse li di(gu)èt :
“Per de qué secas ?
– Lo rat es crebat, la rata plora, la pòrta fa barra-barra-tanca, la sirventa a copat lo botelh, la font a tarit, lo buòu s’es de(s)banat e ieu ai secat !
– E ben ieu me de(s)fuèlhi.” »