Gras o magre

« Aquò èra dos fraires que volián crompar un moton als vesins que lo lor volián pas vendre.
Alara di(gu)èron :
“Del temps que soparàn, lor anarem flambar lo moton.”
Un anèt quèrre lo moton e l'autre montèt sus la paret del cementèri. Aviá amassat d’auglanas e las closcava. Quand l'autre tornèt montar creguèt que lo Diable manjava los mòrts al cementèri. Se tornèt virar e venguèt a la caminada sonar lo curat.
Mas que lo curat èra garrèl e di(gu)èt a la bona :
"Anatz-me quèrre l’esparrasor !"
L’autre li di(gu)èt :
“Vos portarai, ieu !"
Quand arribèron amont, l’autre que velhava di(gu)èt :
“Es gras o magre ?”
Lo que portava lo curat di(gu)èt :
“Gras o magre l’as aquí, miladiu !"
Fotèt lo curat dins las rómecs e se sauvèt. »