L'escòla laïca de Sent-Sauvador

« Lo pepè laïcisèt a Sent-Sauvador. Arribèt aicí en 1890 apr’aquí. Veniá de Compolibat e èra nascut a Centrés. Demorèt a Sent-Sauvador jusca la Guèrra de 14. Tornèt partir en 1918. Es mòrt a 94 ans.
Aviá començat a far l’escòla dins un ostal de Sent-Sauvador mas que preniá bravament de dròlles, a un moment n’aviá mai de trenta, alèra fa(gu)èron una escòla a costat del convent.
Aquí li agèt una istoèra tarribla. Las surs volián pas que fa(gu)èsson aquela escòla a costat del convent. Li aviá una gròssa pèira aquí, la caliá minar. Quand aluquèron la meca, una sur lai anèt se sèire dessús. Figuratz-vos que la mina sautèt pas alèra cridèron al miracle.
Mès podètz creire que lo pepè èra un fervent catolique e aviá mème un fraire que èra curat. Quand punissiá un dròlle, li donava a estudiar lo catechirme. Aquò fa que los dròlles de l’escòla laïca sabián melhor lo catechirme que los autres. »