L'Institut occitan d'Avairon recruta un(a) tecnician(a) audiovisual e informatic

Recrutament un(a) tecnician(a) audiovisual e infomatic

Condicions :
Contracte de durada indeterminada (CDI)
Prumièr jorn de trabalh : lo 4 de genièr de 2021
Temps complet (39 oras / setmana)
RTT
Luòc de trabalh : Rodés o Vilafranca de Roergue.
Desplaçaments dins lo departament d'Avairon.
Convencion collectiva de l'animacion
Grop C, indici 280 – Salari brut : 1 719,20 €
13en mes
Mutuala
Tiquets de restaurant

Presentacion de l'associacion
L'Institut occitan d'Avairon (IOA), servici associat del Conselh departamental, ten coma prètzfach d'enregistrar, preservar, promòure, transmetre la memòria occitana de Roergue. Anima un siti internet multimèdia (www.occitan-aveyron.fr), mena d'enquèstas sus de supòrts audiovisuals, publica de libres, monta d'exposicions, organiza de conferéncias, d'animacions, de jornadas de formacion, prepausa un servici de conselh lingüistic. En 2021, començarà un programa de valorizacion dels païses avaironeses (Leveson, Segalar, Causses, Aubrac…) e de lor identitat. Une granda operacion a la dimension de las Comunaltats de comunas, de còps regropadas, menada ambe l'ajuda dels oficis de torisme (12 projèctes dins l'ensemble del departament).
Lo projècte d'activitat de l'IOA es decidit pel Conselh d'administracion (15 membres dont 8 conselhièrs departementals), en coordinacion ambe lo Pòl Avairon occitan, gropament per convencion de tres estructuras departamentalas : IOA, ADOC 12 (ensenhament de l'occitan als escolans) e l'Ostal Bodon (ostal d'escrivan e luòc de creacion e de difusion artistica).

Fonccion
- captacions audiovisualas (son e imatge) de las enquèstas in situ en occitan (collectatges), montatge
- presas de vistas fotograficas, fòtos reportatges
- mesa en linha e archivatge de las produccions
- aduja a la mantenença e a la melhoracion del siti internet. L'associacion a un contracte d'albergament, de mantenença e de seguit del siti amb un prestatari exterior.
- gestion tecnica dels eveniments (lum, sonorizacion, projeccions, regias sala e platèu)
- gestion e mantenença del material audiovisual, informatic e burotic de l’associacion.
- participacion al montatge d'exposicions e d'aplechs pedagogics
- participacion a la promocion de las activitats e de las produccions de l'associacion (premsa, malhums socials, associacions…)

Qualitats necessàrias
- competéncias professionalas : audiovisual (presas de vistas, son, lum, montatge, sonorizacion, projeccion, internet, archivatge numeric)
- interès per la lenga e la cultura occitanas, l'enregistrament de testimoniatges o de saupre-far
- volontat d'aprene o de se perfeccionar en occitan escrich e oral. La persona deurà validar lo nivèl B2 del CECRL al cap d'un an (formacion presa en carga per l'associacion).
- engatjament associatiu, trabalh en cooperacion
- discrecion e convivialitat
- rigor e sens de l'organizacion
- èsser titulari(a) del permés de menar.

Lengas de trabalh
Francés e occitan. Possibilitat de seguir una formacion per validar lo nivèl B2 del CECRL.

Modalitats de recrutament
Mandar CV + letra manescricha de motivacion, en occitan o en francés, adreçada al president de l'Institut occitan d'Avairon, recrutament tecnician(a) audiovisual e informatic, 25 avenguda Victor-Hugo, 12000 RODÉS. Se sabètz pas qu'un briconèl de lenga, un pichòt tèxt personal, escrich dins la grafia que poiretz serà presat.
Data limita de candidatura : dissabte 28 de novembre de 2020.
Prumièr entreten : diluns 7 de decembre de 2020.
Segond entreten : divendres 11 de decembre de 2020.

poleaveyronoccitan@hotmail.com