Per la fièira de las cebas

« Per la fièira de las cebas,
Me'n anère a Cocural, (bis)

En saltent una cleda,
D’un campet e d’una la gleva,
A l’ombra del paredal,
Ni veguère un rainald.

E sul pic d’un còp de pèira,
N’estendère l’animal, (bis)

Amai s’o volètz pas creire,
Pr’aquò mai d’un o poguèt veire,
Quand passère pel fièirau,
La coeta del rainald.

Una filha jovenèla,
Arribava a Cocural, (bis)

Sus l’èga fasiá la bèla,
En mostrent la parabèla,
Mès quand veguèt lo rainald,
Davalèt de chaval.

“Voudriez-vous, charmant jeune homme,
Me vendre ce beau renard ? (bis)

Toutes les dames de Rome,
En donneraient une somme,
Je vous solde sans retard,
Et sitôt je repars.

– Pr'aquò s'èretz pas pressada,
Poiriam ben far lo mercat, (bis)

E se la pèl vos agrada,
Ni sia(gu)èssetz pas estonada,
Lo rainald, l’ai pas panat,
E per vos es pagat.

– Pourquoi tant de gentillesse,
Bel ami, dis-moi pourquoi ? (bis)

Serait-ce que ma jeunesse,
A mis ton cœur en ivresse ?
Et voudrais-tu dans ton émoi,
Me garder près de toi ?

– Òi filhòta tan polida,
Que podètz far mon bonur, (bis)

E romplir tota ma vida,
D'un bonur plan Margarida,
Per me far tot mon bonur,
Donatz-me vòstre cur.

– Je veux bien sur cette terre,
Partager tes joies, tes pleurs, (bis)

Mais quitter ma tendre mère,
Et mon adorable père,
Sera pour mon tendre cœur,
Une grande douleur.

– Trobaràs près ma maire,
Una altra brava mamà, (bis)

Per tu serà pas renaira,
E t’aimarà plan pecaire,
Margoton lai cal anar,
E cal pas s'alarmar.”

En tornent d’aquela fièira,
Me sentiái plan desgordit, (bis)

Amai s'o volètz pas creire,
Pr’aquò mai d'un o poguèt veire,
La pèl d’un rainald polit,
M'a valgut un partit. »