En gardent mos motons…

« En gardent mos motons,
Vese los aucelons,
Que nisan dos a dos,
Que nisan dos a dos,
E bresilhan d’amor,
La nuèch amai lo jorn.

Ieu soi soleta aicí,
A… tot lo jorn a languir,
Que me cal pas patir,
Que me cal pas patir,
Luènh de mon pastorèl,
Que garda sul puèg bèl.

Aval lo lòng del riu,
Un mèrlhe a fach son niu,
Quora farai lo miu ?
Quora farai lo miu ?
De veire son bonur,
Me sente mal al cur.

Mon amic Peiroton,
M’a donat un moton,
L’ai pagat d’un poton,
L’ai pagat d’un poton,
Mès que venga lo jorn,
Lo pagarai melhor.

Maire, maridatz-nos,
Volèm far coma vos,
Dison qu’aquò’s bien bon,
Dison qu’aquò’s bien bon,
Vos avètz fach l’amor,
Alara aquò’s nòstre torn. »