Aval, aval al pè del rivatèl…

« Aval, aval, al pè del rivatèl,
Tot en gardent mas auquetas, (bis)
Ieu rencontrère un pastorèl,
Que gardava las fedetas,
E me di(gu)èt : “N’ages pas paur de ieu,
Te donarai de floretas.”

Lo pastorèl saltèt lo rivatèl,
Me prenguèt per la maneta, (bis)
E me fasquèt un potonet,
Un poton sus las boquetas,
E m’assetèt aquí plan doçament,
Plan doçament sus l’erbeta.

“E pastorèl, se me laissas pas atal,
Contarai tot a ma maire, (bis)
E li dirai que sabiái pas,
Aquò que me voliás faire,
Mès que tas mans totjorn me paupissián,
Sans poire te far taire.” »