Nòstre-Sénher…

« Nòstre-Sénher m’a envoiat,
Un nenin plan revelhat,
Es polit coma une cerièira,
Sembla un angelon de glèisa,
Nòstre Sénher m’a envoiat,
Un nenin plan revelhat.

Lo nenin m’agrada mai,
Que la flor del mes de mai,
Que l’estela mirgalhada,
Que lusís per la vilhada,
Que la flor del mes de mai,
Lo nenin m’agrada mai.

Qué farai d’aquel nenin,
Somilhon vòl pas venir,
E pr’aquò n’i a mai d’una ora,
Que lo miu nenin se plora,
Somilhon vòl pas venir,
Qué farai d’aquel nenin ?

Quand lo nenin serà bèl,
Li cromparem un capèl,
Sus la cavaleta blanca,
Lo prendrem a Vilafranca,
Li cromparem un capèl,
Al nenin quand serà bèl. »