Les Costovins
Jean PONCET
FOIRES - MARCHÉS
FRUITS
FUMIER - CHAUX
JARDIN POTAGER
MÉTIERS
EQUIDÉS
--- En 1996 ---
Introduction
Les marchands de fruits et légumes de la vallée étaient appelés les Costovins. Ils vendaient leur marchandise en Rouergue septentrional, dans le Cantal et en Lozère.
« Les parents fasián les Costovins. Fasiam del plant e montàvem lo vendre dins lo Cantau, dins la Losera, amb una mula.
La prumièira fièira del plant començava lo 6 d'abriau, aquò èra la fièira de Tiesat, e las fièiras acabavan lo 20 de junh a Nòva-Glèisa.
Aquò èra la mula ambe la carreta e una banasta dejos, que metián les petaces secs que, quand plòviá, se cambiavan.
Atí partiam ambe lo plant, cargats coma aquò.
Quand montàvem a Sent-Flor, aquò fasiá quatre-vints quilòmèstres. Partiam la velha vas las dètz oras del matin d'a Muròus. Jasiam a Nòva-Glèisa. Arribàvem vas las sièis, sèt oras a Sent-Flor. Tornàvem davalar tota la nuèt, dirèctament.
Aquò èra de cauls, de pòrres, la salada, les cauls-rabas…
La tèrra èra en penta e nos caliá montar lo fems sus l'esquina. I aviá de paretons.
Aprèssa, aquò èra las pomas, las castanhas… »
