Los oires

« Quand anàvem bargar de castanhas, nos metiam totes al torn, lo ser, e pas que lo fuòc. E pièi riscàvem pas res de nos pintar ! Un briat de citra. Beviam de citra un pauc. Nos portavan de vin dins un oire, una pèl de cabra. Aquò èra ben plan lavat mès ieu voliái pas beure. Lo portavan e lo penjavan a la fusta de la cava. E pièi aviam un robinet pel fons e tiràvetz aquí. Aquí se portava sai pas quant de vin, vos pòdi pas dire, benlèu pas que cinquanta litres. Començavan ben d'avure de barricas mès aquò dependiá la situacion de cadun tanben. Nautres, lo preniam dins una bòria. »